|
гуллаб яшнайди ва тинчликни ёяди» (Исломий ўқув юртлар конференцияси ташкилоти бош котиби доктор Жаъфар Абдуссалом). Уларнинг бири эса шундай дейишгача етиб борди: «Ислом алоқа ўрнатиш, муносабат ва ривожланиш динидир, у - бировлар айтаётганидек - ёпиқ, ўз қобиғига ўралиб олиш дини эмас. Аксинча, Ислом ва мусулмонларнинг олтин даври Исломий ҳазорат оламдаги бошқа ҳазоратлар билан алоқа қилган вақтда ҳамда дунёга ёйилиб, бошқа башарий мерос ва ҳазоратлардан бойиб, уларни тўлиқ ўзлаштириб, ўзининг мероси ва ҳазоратини уларга инъом этганда юз берганди. Ана ўша Исломий давлатнинг олтин даври бўлган эди» (доктор Қосим Жаъфар 2001 йил 29 сентябрда «Ал-Жазира» телеканалининг «Америкадаги портлашлар: ҳазоратлар тўқнашуви ёки суҳбатлашишига сабабми?» сарлавҳали «Асрнинг биринчи уруши» рукни остидаги давра суҳбатидаги нутқи). У давом этиб яна шундай деди: «Биз араб ва мусулмонлар деган эътиборда бу муаммодан воз кечишимиз лозим… биз тобелик мавқеида эмас, балки тенглик мавқеида туриб жаҳондаги пешқадам ўринни эгаллашимиз учун ўзимизга, ҳазоратимизга, тарихимиз ва меросимизга чуқур ишонишимиз лозим…». Бошқа бир «суҳбат қатнашчиси» бундай деди: «Ислом ҳазорати жаҳондаги мавжуд ҳазоратлар орасидаги умумийлик устига бино бўлган, у ўзга ҳазоратлар билан алоқа ўрнатиб, уларни қабул қилади» (Амр Абдулкарим, сиёсатшунос, Islamonline.net). Бошқа бири эса ҳазоратлар суҳбатини қувватлаш учун Қуръони Карим оятларидан далил келтиришга уриниб шундай деди: «Ва бизнинг улуғ Қуръонимиз бошқалар билан суҳбатлашиш кайфиятини таъкидлайди: мушриклар билан суҳбат қуришга:
وَإِنْ أَحَدٌ مِنَ الْمُشْرِكِينَ اسْتَجَارَكَ فَأَجِرْهُ حَتَّى يَسْمَعَ كَلاَمَ اللَّهِ
– „(Эй Муҳаммад), агар мушриклардан биронтаси сиздан ҳимоя сўраса, бас, уни ҳимоя қилинг, токи у Аллоҳнинг каломини эшитсин“. [9:6]
Кофирлар билан суҳбат қуришга:
قُلْ يَاأَيُّهَا الْكَافِرُونَ
– „(Эй Муҳаммад), айтинг: «Эй кофирлар!»“ [109:1]
Жаҳонда ҳозир мавжуд расмий динлар билан суҳбатлашишга:
يَاأَهْلَ الْكِتَابِ تَعَالَوْا إِلَى كَلِمَةٍ سَوَاءٍ بَيْنَنَا وَبَيْنَكُمْ أَلاَّ نَعْبُدَ إِلاَّ اللَّهَ وَلاَ نُشْرِكَ بِهِ شَيْئًا وَلاَ يَتَّخِذَ بَعْضُنَا بَعْضًا أَرْبَابًا
– „Эй аҳли китоб (яъни, яҳудий ва насронийлар), бизга ҳам, сизга ҳам баб-баробар бўлган бир сўзга келингиз - ёлғиз Аллоҳгагина ибодат қилайлик, Унга ҳеч нарсани шерик қилмайлик ва бир-бировларимизни Аллоҳдан ўзга худо қилиб олмайлик“. [3:64]
6-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54